مساء الخير

النهارده روحنا زياره لناس قرايبنا جدا و عزاز على قلبنا بس الحقيقه هما من قبل غلاء الاسعار و هما الجنى غالى عندهم قوى و لو حد اتعزم عندهم بيتمنوا ان الاكل ما يعجبهوش علشان الاكل يفضل ليهم و الموقف الموءسف ان ساعه اما دخلنا على طول ابنى كان عاوز يشرب و اتلغبط و بدل ما يقول انا عطشان قال انا جعان فنزلت الكلمه كالصاعقه على ربه المنزل و صرخت

انت عاوز ايه رد الولد بسرعه قصدى عطشان عطشان انا آسف

مرحله الخطوبه

ماما

الى كل ماما ام العروسه و ام العريس بلاش كل واحده فيكم تحاول تشد الطرف الثانى ليها ظنا منها ان الطرف الثانى العروسه او العريس هيحبها اكثر من امه مش هيحصل لانك شايفه الحكايه بعين المنافس و الطرف الثانى يكون كل شىء بالنسبه لابنه او بنته

الحقيقه يا جماعه انا ما عنديش بطاقه عيش مدعمه و بشترى عيش الرغيف بنصف جنيه

بس الحق يتقال ذى ما كل حاجه اتقل بركتها انا شويه كده و هنجيب ميكرسكوب علشان نشوف الرغيف

عندنا فى مصر و الحمد لله كل شىء اصبح بالبطاقه و لأن مفيش بطاقات جديده الراجل اللى متزوج بيدخل على بطاقه والده يعنى مش مهم قوى هو ساكن فين لحد كده مفيش مشكله طبعا لكن تعالى بقى لبطاقه العيش انت لازم تستلم العيش من نفس الدائره السكنيه التابعه للبطاقه يعن حضرتك لو ساكن و بينك و بين ابوك حوالى 45كيلو كل يوم خد شبكه العيش واركب المواصله المتاحه اللى ممكن تكلفك8جنيه علشان تجيب بجنيه عيش احلى دعم يا مصريين